ZO KAN SI

GFYO timi cu Global Falam Youth Organization tinak a si ih, leitlun hmunza kip ih a um mi Falam a duhdawttu mino pawl hmunkhat te ih khua le ram hrang hnatuan tlang ding ti tumtahnak thawn Feb 20,2011 ah online(Skype) ah relkhawmnak nei in rak din mi Pawlkom a si. Nunphung kilkhawi cawisan le Khawtlang ṭhansohnak lam hi a hleice in kan ṭuan mi a si. Pakhat le pakhat simawk phah, zirhawk phah, thurawn awk phah le thazang pe aw phah ih hmai nor vivo ding kan si.

GFYO Thutawi

ZIANG KAN TUAH

Mipi ih in duhsaknak zarah ram hrangah mi harsa bomnak in siseh, zatlang hman mi sizung coka, ti inn saknak in siseh, ram le miphun cawisangtu thiam hleice pawl upat sunlawihnak in siseh, calai fingkhawinak hrang online laica zirnak in siseh, mino pakhat le pakhat karlak ah theihthiam awknak le duhdawtnak a leng thei nak ding ah Youth Conference tuahnak in si seh, thansonak nak a phunphun kan tumtahnak vekin hlawhtling ten kan rak tuan suak thei a si.

Cangvaihnak

MIPI HNEN SAWMNAK

GFYO cun miphun le biaknak thleihdannak a nei lo ih khua le ram thansonak hrang pum a pek aw duhtu zaten sangka ong in kan lo hmuak ringring asi. GFYO hlawhtling thei nak ding hrang ah ruahnak in si seh, sum le saw in si seh, thlacam sak nak in si seh in tangpi camcin ding khal zangfah kan lo dil asi. GFYO sungah- tutiang active zet in a tel rero mi ram pawl cu- USA, Canada, England, Sweden, Switzerland, Norway, Singapore, Australia, Korea ram pawl a um.

Contact us

2018 GFYO President ih Annka le Thucah Tawi (Salai Rih Lian Thawm, 29 May 2018)

2011 ihsin rak din thokmi GFYO cu kum(7) kan kim thlang. Kum(7) sung thei tawkin khua le ram hrang kan tuannak ah sumsaw, ruahnak thawn in tanpitu nan zate parah lungawinak sim cawk lo kan nei. Kan miphun thansohnak ding ruahsannak thawn rak dinmi asi bangin a hleicein mino pawl lungrual te'n hmunkhat ah hnatuan tlang kan thiam a tul. Kan thiamnak le kan tangkainak zawn cio abang aw lo ding. Cumi bangawlonak kha cahnak ah hmang sawnin kan tuan tlang a thupi zet. Kan umnak hmun a bangaw lonan kan tumtahmi le miphun hrang kan tuan duhnak abang aw ruangah hmailam ah kut kai aw ih hnatuan tlang vivo ding GFYO aiawh in ka lo sawm asi.

Projects kan theh zo mi pawl Hightlight

Pathian zangfahnak in projects tluangten kan thehsuak zo mi pawl tla kan nei thei ruangah Sumpai le thazang ih in bawmtu sungkhat, unau, rualpi, members pawl le ram le miphun a duhdawttu nan zaten parah tampi lungawinak kan nei timi kha kan lo theiter duh. Nan mah bawmnak ruangah tluangten a hnuai ih projects hi kan theh thei nak a si.

Sayakyi Vankyi Zin (3 July 2012)

Feet (440) sau ih karbak-169 a um mi Sayakyi Van Kyi zin hi No.1 BEHS, Falam tlawnginn pi fehnak lamzin pakhat a si. Cozah lamin budget an pek thei lo ruangah mipi lamih harsatnak ruatin himi lamzin rem dingah kan rak tumtah. Azate’n kykat ting(37) lenglo cem in tuah suah a si. 3 July 2012 ah Lamzin onnak le hminpeknak cu sunglawi zet in tuahsuak a si. In dampi laitu Sayakyi Van Kyi upat peknak ah “ Sayakyi Vankyi Zin”tiah hmin kan rak pek.

More Info

Lian-rih khua pawl bawmnak (17 April 2014)

GFYO pawl hin Fangfai dip 20 le Siti cuai 30 in bawmnak an pe ih, Falam Pacang No Pawl in an inn balnak ding hrang le an khua ihsi khuathar thawnnak ding hrang, moṭaw nikhat sung an hlan sak ih hlei ah fehsuksonak le a ṭul dang pawl bawmnak an nei. Hi bawmnak an pek rual ah Singapore ih um Zangiat mino pawl in Ks 595000 in bawmnak an rak pek ve.

More Info

Ramleng Fimzirnak Seminar (May, 2013)

May, 2013 ah Falam khua sung um mi Singapore ah Diploma in Health Sciences ( Nursing) kai rero laitu in Falam mino hrekkhat hnenah ram leng ih scholarships thawn tlawngkai pehdaan ding Seminar kan tuah sak thei. Himi thusimtu cu GFYO palai Mai Sui Cer Chin a si ih amah hi Singapore ah Diploma in Health Sciences (Nursing) thawn tlawngṭheh mi a si.

Falam No.3 Primary Tlawng-inn Toilet Remnak ( Sep 24, 2011)

Harhdamnak hrangah a thupi zet mi pakhat cu dailen inn thianfainak hi a si. Falam khua sungih No.3Primary tlawngInn dai-lennak pawl hi hardamnak lam in zoh tikah rem le a thar in sak tul dinhmun an si. Tlawngta pawlih harhdamnak hrangah a ṭhat lo ruangah a thar in sak ding kan rak tumtah. Sumpai cemliam ding mi hrang Fund hawlnak ah United Kingdom ih um GFYO palai Salai Van Cung Lian cu Great North Run tlanzuamawknak ah a rak tel. Culawng siloin, Lailun Fundation, R am leng ih um laimi pawlkom pawlih bomnak thawn a ṭul mi dai-len inn kan sak suak thei.

Falam Sizung hrang Ti-inn Dawlsak (August 2013)

Falam khua hi kan theih cio bangin tidai lam ah kan har zet. Ṭhal caan hrimhrim ah in ding hrang rori hman tidai a har caan um ṭheu. Kan Falam sizung pi rori khal tidai an har zet. A hleice in Sizung mina kiltu pawl hrangah rawl suannak hrang rori khal tidai an nei lo ṭheu. Curuangah Ti-inn sakin tidai kan khawl thei asile ṭhal caan tidai har caan ah kan nuam deuh ding ti ruahsannak thawn Ti-inn ( fts 4 X 4) cu August, 2013 ah kan rak dawl.

Kum (70) tlun Nu le Pa Upat sunloihnak (May, 2011)

May 13, 2011, FBA Hall, Falam ah GFYO Onnak le Falam khua sungih um kum(70) tlun in dampi laitu Nu le Pa pawl upat peknak le laksawng peknak khal kan nei cih

Chin ram cozah, Chief Minister Salai Lian Luai hmuaknak ah tel pi (April, 2016)

16 April, 2016 ah Chinram cozah thar ih Chief Minister Salai Lian Luai hmuaknak cu Falam ah tuah asiih cui puai ah sunloihnak capi le vok sum 6.1 (ting 3.5 kyats) thawn kan tel pi ve.

More Info

Falam le Kalay ah Phunsang tlawng pehzomdaan le fimzirnak lam theih tha phunphun ‘education talk’ tuahsak (July, 2017)

Phunsang tlawng pehzomdaan le fimzirnak lam thawn pehparin “Education talk” cu July thla ni 22 ah FBA hall, Falam ah GFYO in hmalakih tuah asi. Tlawngta le nu/pa zaten mipum 110 lai an kai thei. Thusimtu pawl cu- Hakha College ihsin Saya Van Ro Sum in ‘Phunsang tlawng pehzomdaan le major hril daan phunphun’, Tahan Theological College ihsin Professor J.Khum in ‘Ramdang ih tlawng peh thei daan le scholarship ngah daan’ le Dr. Henry Van Lal Lian in ‘NGO lam ih hnatuan daan le tlawngta pawl thazang peknak ‘ pawl tin simnak an nei ih mino le tlawngta pawl an hlawkpi zet.

More Info

A hmaisabik ‘Run Inn Tlun Kum” le Lai puai pawl ah sumpai tanpi nak nei

Falam Kum 125 Kim Puaipi, Ruunin Tlunkum, Falam Sizung leh Zatlang Innpi Kum 100 Kim Puaipi, Lai Phunpi Ni Puai cu February thla, 2017 ah Falam khua ah tuah siih GFYO khalin sumpai ting 5 thawn tanpi nak kan nei ve.

More Info

Dr. Salai Cung Nawl Thawng le Falam mino tongkhawmnak (April, 2018)

Dr. Salai Cung Nawl Thawng in S. Korea ih a tlawngkainak thu, Scholarship thu pawl, Systems Biotechnology in Ph. D a theh suaknak thu pawl cu Falam mino thenkhat thawn 29 April 2018, Pek Thang Hall, Falam Baptist Church ah ruahawknak an nei. Himi programme cu GFYO le Falam Mino Pawlkom ih tawlrel in tuah tlang mi asi.

More Info

” I LOVE FALAM” Tshirt thawn fund hawlnak nei (October, 2016)

GFYO cun 2012 laiin khua le ram hrangah nasazet in hna a rak tuan zo bangin tukum khal ah project tampi tuansuak ding a nei. Cui’ hnatuannak ih atulmi sumpai hawlnak hrang “I Love Falam” tshirt suahin leilung pumhlum ih laimi tambik umnak ram pawl asimi USA, Australia, Singapore, Malaysia, Korea le kawlram ah zuun 1300 lai zuar suak thei asi. Tshirt cu Singapore ramah October thla, ni 2, 2016 ah hmaisabik zuar asiih suahmi zaten nikhat ah a cem cih ruangah tuah bet sal asi. Cuvek thotho in Australia le USA pawl khalah suah bet tul tiang ko mipi in phurzet ih an lei ih an hruk. Mipi ttanpi nak ruangah fund ngahmi sungin mipi hrang thathnemmi porjects pawl tuah rero lai asi.

More Info

2017 cazir kum ih subject zaten distinction a ngahtu tlawngta sunloihnak nei

GFYO in kum tinten phun 10 All D thawn tlawng a thehtu Falam mino, thiamhleice tlawngta pawl laksawng peknak a nei theu vekin 2017 cazirkum khalah All D thawn phun 10 a thehtu Sim Cing khua, Falam ih Mai Lal Nun Mawi cu sunloihnak capi le sumpai ting 1 peknak a nei a si.

More Info

Chinland Tour Guide website tlangthannak nei (February, 2018)

February 1, 2017 ah Chin ramkulh khualleng kaihruaitu ( www.chinlandtourguide. com) cu mipi zoh theih dingin tlangthannak kan nei asi. Himi website ah Chin ram ih khuapi pawl, hminsintlak hmun pawl le feh thei daan a phunphun tin famkim zetin hmuh thei asi. Cuhleiah Chin ram a tlawng duhtu miphun dang le Chin ram thu thei duh hrangah olsam ten Chin ram thu an thei theinak ding ruahsan in tuahmi asi. Hi’h website cu GFYO member asimi Singapore ih um, Salai Nung Lian Sum (YTU) in tuanvo lakih 2015 kum ihsin rak tuah thok mi asi.

More Info

OUR PARTNERS

NGO pawlkom dang pawl thawn Lairam thansohnak ding hrang hna kan tuan tlangmi tampi a um zo. Kan parntner pawl tla a hnuai ah langternak kan nei. GFYO thawn project a tuah duhtu hrangah ban phar in kan lo hmuak ringring asi.