B.E.H.S (1) Falam Tlawng Fehnak Zin ( SAYAGYI VAN KYI ZIN) Remthatnak

Falam khua, BEHS (1) tlawnginn hi khua hlanlai, kan pi le pu san lai ihsin cathiam tampi fimthiamzirnak, tlawng hminthang pakhat a rak si. A sung ihsin mithiam sang tampi an suak zo ih, tui sunni tiang kan Chin Miphun hrangah fimthiamnak hramtohnak hmunpi khal a si. A hleice in Falam khaw suak nang le kei hrangah kan mithmai ngahnak fimthiamnak hnawiti in fahtu le in fahnak hmunpi khal a si fawn. Tuikum 2011-12 cazir kum khalah tlawngta mipum964 cu fimthiam zir in Falam tlawnginn pi ah an kai rero lai.

Hi tlawnginn pi hi Farthawk (Canbary veng then), Falam khawtaw ah a um. Cutin Falam khawtaw ihum a si ruangah tlawnginn fehnak lamzin cu suk le so hlir in a khat. Cui Tlawnginn pi cu zin pahnih in feh theih a si nan, zin pakhat cu motor car feh thei asiih zin pakhat deuh cu minung lawng feh theinak zin asi.
(Minung lawng feh theinak zin kan ti nak zawn cu Saya Don Hre Dun inn ihsin Saya Kawl Lian Thang inn tiang ,a tanglam ih zuk ah famkim le fiang deuh in zoh theih a si)
Cui minung lawng feh theinak zin kan timi cu cozah lam in khuahlan lai ihsin an rak rem sak dah lo,tuah sak dingin dilngen a si khalle um zia nei lo vek ding khi a si. Zinkap ih um innsang pawlin an mah le ti thei tawk ten cui lamzin cu kalbak tuah in an fing khawi ringring. Hmanseh,tlawngta suk so an tam ih, fur can a thleng tikah cui kalbak pawl cu hmakhatte ah an siat lohli sal theu. Hmun suksonak hmun cu ciar bek thawn a khatmairuangah cui zin azawhtutlawngtapawl le khawmisenpivantlang pawl an zinfeh ahar thei zetih, zangfahza ngaingai ansi.

Screen Shot 2018-05-29 at 11.27.35 AM

Curuangah hih lamzin “Remthat” ding hrangah GFYO nih thaal tlawngpit sung (April/May, 2012) ah tuah suak dingin tumtahnak kan nei. Ziangvek in rem that ding ti cu atanglam ih zuk parah fiang zetin tarlang a si. Leitlun hmunkip ih um Laimi kan zaten kan khua kan ram ti hnianghni te khi hngilhsan le dungtun mai kan siang cio lo ding tiah zumnak kan nei. Kan thinlung ruahnak ir-awm sungih Falam, leitlun khawpi tamzet lakah mithmai a ngah sinsin theinak dingah,nang le kei kan tuan khawm vialvo theinak dingah ti’n GFYO in a theitawk suah in sangka a ong a si hi! Kan zaten kut-ong zom in tuantlang vialvo dingin, laicin senpi nan zaten rinsannak thawn kan lo sawm duh a si.

      “Nikhat ni ah kan khua le kan ram in ziangmi in tuah sak ti’n thu in sut leh ding “

 

“Sayagyi Van Kyi zin” project report: http://www.gfyo.org/wp-content/uploads/2012/05/Report.pdf

Sayagyi Van Kyi Zin on puai: https://youtu.be/PFsZDI49giw

Posted in Cangvaihnak.

Leave a Reply

Your email address will not be published. Required fields are marked *