ABOUT US

GFYO ti mi cu leitlun hmunza kip ih a um mi Falam a duhdawttu mino pawl hmunkhat te ih khua le ram hrang hnaṭuan tlang ding ti tumtahnak thawn Feb 20,2011 ah online(Skype) ah relkhawmnak nei in rak din mi Pawlkom a si. GFYO cu a sau zawngin Global Falam Youth Organization ti nak a si. USA, Australia, Canada, Switzerland, Singapore, Norway , South Korea tvk Laimi ram tin ihsin ṭuan khawm mi a si. A tel hrih lo mi ram pawl khal sawm bet vivo an si.

GFYO ih Tumtahmi pawl cu:

1) Khua le Ram a duhdawtu ram sung/ram leng mino pawl hmunkhat te ih hnaṭuan tlang ding.

2) Cozah project ih telban lo mi khuatlang ṭhansohnak project pawl ṭuan tlang ding.

3) Nunphung kilkhawi cawisang ding.

4) Falam mi le sa, kilkip ṭhansohnak hrang tuah ding.

Kan thuken cu “Mawhphurhnak tumpi a neitu Mino” ti a si. Khawtlang ṭhansohnak lam hi a hleice in kan ṭuan mi a si. Culawng siloin harsa ṭanpinak, ramleng ih fimzirnak ih kaipeh vivo daan ding seminar tvk tete khal a remcan daan in kan tuah.

GFYO cun miphun le biaknak thleihdannak a nei lo ih khua le ram thansonak hrang pum a pek aw duhtu zaten sangka ong in kan lo hmuak ringring asi. GFYO hlawhtling thei nak ding hrangah ruahnak in siseh, sum le saw in siseh, thlacam sak nak in siseh in tangpi camcin ding khal zangfah kan lo dil asi.