Vantualrawn,Ramthlo khua Bawhlung puai hrang bawmnak
July 10, 2011
Ramthlo, Falam
 |
 |
 |
 |
 |
 |
Ramthlo ah Lehpannak an nei
July 11, 2011
Chin World Media
Chinram cu tulai fang ah fuurpi asi ih hmunkip ah lehpan nak tuah in caan an hmang rero laifang asi. Mino pawl hrang ih thanso nak leh harhdam nak hrang asi ve mi bawhlung lek nak cu vantualrawnveng,Ramthlo ,Falam peng khal ah zuam awk nak phun in antuah rero, Atui tum an lek nak hi atum 3 nak asi thu Chin World ih ramsung kan palai hnen in thuthang kan ngah.
Raamthlo khua an mino hruaitu Salai Cung Thawng Lian ih sim daan ah “ lehpan nak kan tuah duh nak asan pawl cu bawhlung lekthiam nak lam ah sang sinsin ding, lehpan nak lam lawng silo in nuncan ziaza lam khal ah thianghlim felfai vingvo thei ding, mah khua sung lawng silo in khuapi lam tiang, Ramtthen leh Ramkulh ai awh tiang mithiam pawl phorhsuak vingvo thei ding ti le khuate um mi leh khuapi um mi um tlan daan (nuncan,ziaza,thuruat tvp,…) bangraan ten thangtlang thei nak ding hrang ah tuah asi ” thu arel.
An team hmin pawl tla cu Senhri , Faizong, Chokhlei, Bingbi pawl an si ih, neta ah cu an khua kiang kap pawl thawn lek tlang ding in saduh anthat zet. Team khat ah mipum 25 an um ih an hotu pawl cu Pastor leh rinsan mi upa pawl an si.
An mino hruaitu ih sim vingvo nak ah Ramsung le ramleng um Falam mino pawl ih din mi GFYO (Global Falam Youth Orgnization) nih sumpai leh tha zang pek nak cakuat an ngah thu leh Falam khawsung ih sin rinsan mi mino pariat (8) thawn July 10 2011ni ramthlo ah an tawng awk thu , hmailam thanso nak hrang thunuam an rel thu leh zanriah an ei tlang nak thu pawl cu lungawi zet leh tha tho zet in arel .
